INICIO DE LA TEMPORADA DE AUTOCROSS.

Con la prueba de este fin de semana en Arteixo arranca el Campeonato Gallego Xunta de Galicia de Autocross.

Nota de prensa que nos pasa la Federación Gallega de Automovilismo.

«»»»»

VECINO, LÓPEZ, MOLL, TRAILA E MALLO, PRIMEIROS VENCEDORES DUN ESPECTACULAR INICIO DA TEMPADA EN ARTEIXO

Espectacular inicio do Campionato Xunta de Galicia de Autocross na «Catedral» da modalidade a nivel nacional. O 88º Autocross de Arteixo estrenou o certame autonómico con 90 equipos nas diferentes categorías, a mellor cifra das últimas tempadas, un espello que reflicte o esforzo da FGA por reflotar una especialidade imprescindible no Automobilismo galego.

Con moitísimo público nas gradas, bo tempo e mellor ambiente, os equipos comezaron a competir baixo un novo formato de mangas, máis adaptado ao sistema nacional e internacional que lle aportou un plus de dinamismo á xornada.

Xa pola tarde, cos graderíos e o paddock cheo de afeccionados, comezaron  as clasificatorias e as finais.

Na Clase I, o vencedor foi Álex Vecino, cun tempo de 8:31.023. A apenas un segundo sitouse Rubén Ramos e terceiro foi Javier Lea, presionado durante toda a carreira por unha combativa Laura Lista, que finalmente foi cuarta clasificada.

Jon Ander López foi o primeiro clasificado da Clase II, nun monólogo na final da categoría. López sitouse na cabeza na primeira curva a xa non a abandonou ata que  cruzou a bandeira de cadros (8:10.379). O segundo posto foi para Manoel Felípez co Honda e terceiro foi Daniel Queijo.

Juan José Moll, en plena preparación para o Campionato de Europa foi o gañador da Clase III, que tivo a 39 equipos nesta primeira proba do Campionato Xunta de Galicia de Autocross. Moll, que xa dominou nas clasificatorias, non deu opción aos seus rivais e impúxose cun tempo de 7:12.786. O segundo posto foi para Iván «Aka» Couto, que na estrea do seu novo carcross fixo unha proba sensacional, con destellos de moita calidade. O terceiro posto foi para Beto Lorenzo, o que completou o triplete de LifeLive neste inicio de certame.

Nesta ocasión non houbo gañador da Copa MRF ao ser descalificado Pepe Arqué pola utilización de pneumáticos doutra marca.

Na clase V, Joao Traila foi o primeiro clasificado aos mandos do Yacar SXC cun crono na final de 7:31.743. Lolo Bermúdez foi o segundo clasificado, mentres que o italiano Bernardo Bitti foi terceiro. O novo becado da Federación Galega de Automobilismo e integrante do FGA Junior Team by Maxideza, Manuel Mariño, foi décimo clasificado nunha proba de adaptación e descubrimento do carcross.

Saúl Martínez, cuarto clasificado da final, foi o primeiro clasificado da Copa MRF Júnior seguido de Pablo Molinos e Aaron Ruiz.

Por último, Carlos Mallo foi o gañador da clase VI que pronto se quedou con dous participantes pola retirada de Bermúdez. O segundo posto nunha final de menos a máis foi para Sabino García, que terminou moi próximo ao vencedor da carreira.

«»»»»