Fin de semana de motor en Galicia.

Tuvimos un fin de semana entretenido de motor con dos pruebas válidas para el Campeonato Gallego, cada una en su modalidad.

En primer lugar el Rally da Comarca do Carballiño con victoria de Dani Berdomás y Brais Mirón que ya se proclaman Campeones Gallegos de Rallies. Realmente han realizado una temporada perfecta, aunque sin sacar ni un ápice a su victoria tengo que reseñar la mala suerte de Alberto Meira, que todavía opta al subcampeonato. Desde luego estuvo de lo mas entretenida, eso sí, aún faltan dos pruebas por disputar.

Es cierto que esta temporada dejó el campeonato mucho más abierto al no participar Victor Senra con su WRC.

También tuvimos el Autocross en Santa Comba y de nuevo con un gran número de pilotos inscritos. Algo que no entiendo es dos modalidades del automovilismo en Galicia, el Autocross y el Slalom, pruebas que se realizan en la zona norte de Galicia, lo del Autocross, hasta es comprensible ya que necesitas un circuito pero el Slalom, una tipo de prueba muy económica y qu en la zona sur no tiene ninguna prueba. A ver si alguna escudería de Pontevedra, que organizan unos rallies perfectos, se anima a realizar alguna competición de Slalom, SERÍA MUY INTERESANTE.

Os dejamos las notas de prensa de ambas pruebas que nos ha pasado la Federación Gallega de Automovilismo.

 

«»»»»

RALLY COMARCA DO CARBALLIÑO

 

Daniel Berdomás e Brais Mirón, aos mandos do Citroën C3 Rally2 (1.01.35.300), lograron a victoria no Rally Comarca de Carballiño, séptima proba puntuable para o Campionato Xunta de Galicia de Rallyes – Recalvi.

Berdomás e Mirón partían coma favoritos ao triunfo e non deron opción aos seus rivais para sumar os puntos necesarios para facerse co título absoluto a falta de dúas probas. O equipo do Citroën partiu cun forte ritmo durante toda a xornada nunha fermosa loita con Alberto Meira e Avelino Martínez e José Lamela e Unai Conde, pero que pronto rematou polo abandono de ámbolos dous equipos.

Desta forma e co camiño libre, Berdomás e Mirón controlaron a proba para firmar un novo triunfo, o quinto deste curso (1º no Supercampionato R5 Recalvi), para acadar o primeiro título absoluto de pilotos e copilotos.

Na xornada de festa do JRT Team, o segundo posto foi para o patrón do equipo, Javier Ramos, copilotado por Álex Moure (2º Supercampionato R5). Aos mandos do Hyundai I20 Rally2 situáronse a algo máis de dous minutos do seu compañeiro de equipo.

O terceiro chanzo do podio, o primeiro da súa carreira deportiva no Campionato Xunta de Galicia de Rallyes – Recalvi foi para Daniel Montoto e José Zúñiga (3º Supercampionato R5), protagonizando unha interesante remontada ante o equipo que finalmente sería o cuarto clasificado formado por Jorge Pérez e Manuel Raido, no sempre espectacular Porsche 991 GT3.

Completaron os cinco primeiros clasificados, Diego Félix e Raquel Rodríguez, que obtiveron ademáis a victoria na Challenge R2 – Staroil e na Top Ten Pirelli C.

Precisamente na Challenge R2 – Staroil, segundo posto e triunfo final no certame para Daniel Rivas e José Vieitez (2º Top Ten C), logo dunha xornada marcada pola súa loita con Jorge Pérez e Cristian Álvarez (3º Top Ten C), que finalmente foron terceiros e subcampións do certame.

Dentro da Top Ten B, primeiro posto para Fermín Sousa e Carmen González, no Renault Clio R3T, seguidos do xa campión Celestino Iglesias, nesta ocasión copilotado por Vanessa Maquieira e Benito Puceiro e Christopher Telmo, ambos en Ford Fiesta N5.

Na modalidade Classic, primeiro lugar para Carlos Freire e David Saavedra, con Antonio Cereijo e Juan Antonio García e Juan Jose Mato e Andrea Balayo no segundo e terceiro posto, respectivamente.

Dani Álvarez e Adrián Vázquez romperon o seu maleficio das últimas probas cun triunfo na Pirelli AMF, por diante de Fran Pazos e Sergio Gonzalo e de Guillermo Vilavedra e José Francisco Luque. Un dos aspirantes a facerse co triunfo final no certame, Marcos Sanromán, con Uxía Freire, sufriron un percance mecánico que os atrasou moito na xeral.

Entre os participantes da AMF Orixe, primeiro posto para Samuel Graña e Sergio C. Boga, con Anxo Blanco e Alex Somoza en segundo posto e Roberto Suárez e Cristian García, terceiros.

Por último no Criterium Recalvi, primeira posición para Ricard Franco e Sergio Fernández, con Alejandro Pena e Andrea Painceira en segundo posto e Yago Romero e Nerea González no terceiro lugar da clasificación.

Romero e González sumaron ademáis os puntos para convertirse en novos campións do Criterium Recalvi, nunha competición con un nivel e número de participantes moi elevado.

A seguinte proba puntuable para o Campionato Xunta de Galicia de Rallyes – Recalvi será o Rally San Froilán, no mes de outubro.

AUTOCROSS EN SANTA COMBA

 

Cancela, López, Lorenzo e Traila foron os vencedores do Autocross de Santa Comba, sexta proba puntuable para o Campionato Xunta de Galicia da modalidade

Na Clase I, primeira posición para Luis Miguel Cancela, no Peugeot 106. A segunda posición foi para Javier Lea e a terceira para Alejandro Vecino.

Jon Ander López, no Citroen Saxo, foi o mellor na movida final da Clase II. A segunda posición foi para Martín Castro e a terceira para Dani Castro.

Beto Lorenzo confirmou unha vez máis o seu excelente estado de forma co triunfo na Clase III en Santa Comba. O do LifeLive tivo como compañeiros de podio a Sergio Suárez e a Darío Calviño.

Na Copa MRF, o gañador foi Iván Baloira seguido de Manuel Costas.

Por último, entre os participantes da Clase V, os carcross júnior, primeiro lugar para Joao Traila, seguido de Pablo Molinos e Mateo Villar.

Molinos logrou o triunfo ademáis na MRF Júnior, con Manuel Mariño, integrante do FGA Júnior Team by Maxi Deza en segunda posición.

Con estos resultados, Jon Ander López, Joao Traila e Beto Lorenzo son xa novos campións galegos de autocross a falta dunha proba por disputar.

«»»»»